China President Xi Jinping Kawlram A Tlawng

Kawlram kan innpa bik le Asian kan supper China President Xi Jinping nih tuchun (Friday) le thaizing (Saturday) nihnih caam in Kawlram a kan tlawn lio a si. A caam chungah hin ram hnih Insfrastructure deal an ti fel lai.

Xi Jinping nihhin China President a si hnu ah Kawlram hi a voikhat tlawnnak a si. Kum 2001 hnu ah China President nih Kawlram an tlawn hmasa bik a si. China le Kawlram nihhin kum 1949 thokin pehtlaihnak an ngei cang i Kawlram hi Non-Socialist ram lakah China he ai pehtlai hmasa bik a si.

Rakhine state ah Rohingya Muslim pawl cungah Kawl ralkap pawl nih ningcang loin khua an sak i vawleicung ram kip nih hnu an chit lio caan zongah China cozah nihcun Kawlram hi pehtlaihnak a tuah peng i a ttanh peng fawn.

Kawlram ah President Xi a cam chungah hin China nih Kachin state ah Myitsone Hydro-power Project a tuahmi, Deep-sea port le Rakhine state ah Kyaukphuy ah Special Economic zone sernak kongkau tbk pawl cu Kawlram hruaitu pawl a ceihhmaipi hna dingmi ah ai tel. Aung San Suu Kyi le ralkap hruaitu pawl he an itonnak ah Bangladesh I Rohingya ralzaam pawl an kirnak ding kong zong an ceih chih lai. Ref: South China Morning Post

Leave a Reply

Your email address will not be published. Required fields are marked *